Kolasib Bialtu MLA Pu PC Zoram Sangliana, Chairman MIFCO chuan vawiin khan Kolasin District Hospital a hman tur Patient Monitor khawl 2 (pahnih) leh Bairabi PHC a hman tur Water Cooler 1 (pakhat) District Medical Superintendent (DMS) leh Chief Medical Officer (CMO)  hnenah a hlan.

Heng khawl hlanna inkhawm Dr. James Ramdinmawia, DMS kaihruaiah hian Pu PC Zoram Sangliana chuan a taksa a hrisellohna te Pathianin midang te tana malsawmna thlenna ni thei tura a ruahman a nih thu sawiin, a bial mipui te mamawh pe theia a awm chu lawmawm a tih thu a sawi a. Damdawiin a hnathawkte midang tana thlamuanpuiawm zawnga hnathawk turin a chah a ni.

Vawiin a Patient Monitor khawl hlan hi Bialtu MLA hmalakna a Medica Superspeciality Hospital, Kolkatta te rawn pek niin, Rs.71,700/- man a ni a. Heng khawl bakah hian bialtu MLA chuan 4th August, 2017 a Medica Superspeciality Hospital, Kolkatta ten Kolasib Hospital a free clinic an neih tuma Hopital Canteen a damdawi leina neilo ten an lak bat rulhna tur Rs.80,000/- DMS hnenah hian a hlan bawk a ni.