3193/2022-2023

Mamit 7th January, 2023 : Er. H. Lalzirliana, Vice Chairman Road & Infrastructure Develoment Board chuan vawiin khan Rawpuichhip Community Hall-ah Badminton Court Mat chu khuallian niin a hawng.

Khuallian chuan infiamna leh thalaite hmasawnna kawngah Mizoram Sorkar chuan hmalakna a kalpui nasa em em a, a bial Mamit Constituency chhungah ngei pawh infiamna lama hmasawnna ruhrel chhinchhiahtlak tak tak a awm belh nasa hle a ni a ti. Mamit District chhungah ngei pawh kan la hmuh phak ngai loh thil ropui tak tak kan nei thar nasa hle a, hengte hi Sorkar leh mipui kan tanrualna avang anih thu a sawi.

Mizo thalaite tana  Mizoram Sorkar-in hma a lak tawhna leh a kalpui mek chu hriatrengtlak thil ropui a nih tawh thu a tarlang a, District Sports Complex din dan leh thalaite infiamna khawvela Sports Minister zahawm tak Pu Robert Romawia Royte hmalakna zarah Mizoram-ah Sports Revolution a thleng mek a ni a ti bawk.

Pu C. Lalduhawma VCP pawhin thusawina a nei bawk a ni.

He hun hi Rawpuichhip Community Hall-ah buatsaih niin, Pu Lalpianruala, Vice President, Rawpuichhip Badminton Club chuan kaihruaiin, Pu H. Lalrosanga, Branch YMA President chuan hunserh a hmang a, Tv. Zorempuia Asst.Secy hnen atang report ngaihthlak a ni bawk.

Attachment

  • Loading attachment...