Champhai khawchhunga Swachh Bharat Mission tlangzarh a nih hnu in vawiin khan Champhai District Urban Development Office hmalakna in Biate-ah tlangzarhna hun hman niin, Swachh Bharat thiltum leh hmalak dan tur hrang hrang inhrilhhriatna hun hman a ni.

He hunah Khuallian Pu Lalngilneia Colney, DSYO Champhai District leh SBM Special Volunteer a thlan Champhai District Scouts & Guides-a District Secretary ni bawk chuan thu sawiin, Biate chu tun hma atanga vawiin thleng khaw fai a sawi an ni chu khawtlang mipuite hmalakna rah chhuah a ni, a ti a. Hriselna leh thinghlimna kawngah hmasawn tur chuan khawtlang tanrual a ngaih thu te, khawtlang hruaitute tan pawh huaisen taka kal a tul thu te sawiin, ram changkang zawkte nunphung ngaisang a an nun dan kan entawnna ah hian faina an uarzia te hi zir chhuak tel ila a tih thu a sawi a. Faina kawngah hian mitinin mawhphurhna kan nei theuh a, bawlhhlawh reng reng chu sorkar emaw midang tihfai tur ni lovin kan tihfai tur a ni tih hi rilrua kan vawn thar a tul hle a ni, Pu Lalngilneia chuan a ti a ni.

Swachh Bharat Mission tlangzarhna hun hi Pu RV Hnuna, Biate Village Council President chuan kaihruaiin, Pu Zahminga TSI chuan Swachh Bharat awmzia leh a thiltum te a sawifiahna hun a hmang a. Pu Lalhriatpuia, JE, UD&PA chuan kalkhawmte chu faina kawnga hma an sawm zel theihnan faina thutiam a lak tir a ni.

Pi V.Lalmuanpuii, DUDO chuan lawmthu a sawi rualin Biate chu faina kawnga Mizoram entawn ber khua an nih angin, hmasawn zel turin a chah a ni.

Vawiin vek khan Khawhai ah Swachh Bharat Mission tlangzarh na hun hi hman a ni bawk.