Vawiin hian Biatea BNREGSK Hall ah Mizoram Information Commision leh Biate Branch YMA te tangkawpin an buatsaihin RTI Awareness Campaign neih ani a. Pu . Lalduhthlana Ralte, Chief Information Commissioner chu khuallian ani.
He hun, Pu Lalremkunga, President, Biate Branch YMA kaihhruaiah hian Pu Lalduhthlana Ralte chuan, India ram chu mipuite rorelna ram, mipui sawrkar awmna ram a nih avangin mipuiten sawrkar sum leh pai hmanna kawng tinreng an hmuha, an hriat ve vek hi an chanvo pakhat ani a. Heng sawrkar hmalakna te an duh apiang an hriat theih nan Right to Information Act chuan kawng a kawhhmuhin mipui lam leh sawrkar hnathawk lamte tan kalkawng a zam sak diam bawk. Chuvang chuan, sawrkar sum hmangtu sawrkar hnathawk leh sawrkar sum hman dan hre duhtu mipuiten he dan hi kan hriatchian a tul hle ani, a ti. Khuallian hian Mizorama RTI kalpui dan tlangpui leh tun thlenga Mizoram dinhmun tlangpuite a tarlan bakah Mizo thalaite tana Central Service luh a pawimawhna leh Mizoram tana a tangkainate pawh a tarlang tel bawk ani.
He hunah hian Pu Vanlalngena, MCS, Secretary, Mizoram Information Commission chu Resource Person niin ani hian RTI tobul leh ramin a mamawh dante a sawifiah bakah RTI Rules leh Act chi hrang hrangte a lehkhabute nena semin a zirtir a. Resource Person in zirtirna a hman zawh hian kalkawmten an zawhna an neihte zawtin sawihona hmun hman zui a ni.
Vawiina RTI Awareness ah hian khawtlang hruaitute, tlawmngaipawl hruaitute leh midang engemawzat an tel a ni.
