awiin khan Soil & Water Conservation Department chuan BNRGSK Building Bilkhawthlir North ah an Department hnuaia Serlui Cluster hnuaiah NLUP 3rd Phase leh 4th Phase ah Hmunphiah hmun siamtu, Rubber huan siamtu leh Coffee chingtu NLUP beneficiaries mi 60 hnenah NLUP tanpuina (2nd Instalment ve ve) sum hlanna programme an nei a. He hun hi Parliamentary Secretary leh Serlui Assembly bialtu MLA ni bawk Pu K. Lalrinthanga’n a hmanpui a ni.

Pu K. Lalrinthanga chuan NLUP hian beneficiaries te tan eizawnna ngelnget a siam sak bakah NLUP hian thil tha kaihhnawih a nghah a, chuvangin khatih hunlaia Central Sawrkar pawhin he programme ina a thil tumte chu tha tiin leh a ngaihpawimawh avangin min rawn phalsak a.

NLUP beneficiaries te hian he programme hlawhtlinna turin leh Mizoram hmasawnna atan mawh kan phur theuh a, chuvangin thahnemngai taka kan thawh hova, kan tan tlan chuan mimal in hma a sawn anga chu chuan ram hmasawnna a thlen thei dawn a ni, a ti a. NLUP trade hrang hrangah hmunphiah trade chu a hlawhtling zual bik nia a hriat thu pawh a sawi bawk. NLUP beneficiaries te bank account-a NLUP installment an dawn tur, sum dahluh sa tawh, bank passbook chu beneficiaries te kutah Parliamentary Secretary hian a hlan nghal a ni. He programme hi Pu Lallungkhama, District Officer, Soil & Water Conservation Department, Kolasib chuan a kaihruai a ni.

Bilkhawthlir North atangin beneficiaries 15 (Hmunphiah-14 leh Rubber-1); Bilkhawthlir South atangin beneficiaries 18 (Hmunphiah-14 leh Rubber-1); Saihapui K atangin benefiaries 14 (Hmunphiah vek); Buhchangphai atangin beneficiaries 11 (Hmunphiah vek); Phaisen (Coffee-1) leh Bukvannei (Hmunphiah-1) atangin beneficiaries pakhat ve ve ten vawiin khan NLUP tanpuina sum hi an dawng a ni.

Soil & Water Conservation Department hnuaia hian NLUP 3rd Phase ah beneficiaries 443 (Hmunphiah-371; Rubber-69 leh Coffee-3) leh 4th Phase ah beneficiaries 194 (Hmunphiah-164; Rubber-28 leh Coffee-2) te an awm a ni.