Vawiin chawhma dar 11:00 khan I & PR Conference Hall, CHANEM ah National Population Register hnuaia Biometric Enrolment, Champhai khawpui chhunga mite tan bik a ruat Charge Officer leh Supervisor te meeting neih a ni.

Meeting hi Pu Sangdingliana, IAS D.C Champhaiin a kaihruai a, Pi Rochuangkimi Khenglawt, SDC/Nodal Officer in hriattur pawimawh hrang hrangte hrilhfiahin hemi atana Form pawimawh te semin, hman dan tur te a hrilhfiah bawk a ni.

Charge Officer te leh Supervisor te hi an kal tha hle a. Champhai District-ah Biometric Enrolment hi kalpui tan a ni tawh a. A nawlpuia he enrolment (kutzia thlalak leh mit naute thalak) hun tur chu Census Department leh ECIL lam an inpeih veleh neih tur a ni. Champhai khawpui chhunga mite tana kalpui phawt a ni ang a. Rural area lama kalpui dan tur erawh chu la ngaihtuah thar leh turn dah a ni.

Champhai khawpui chhung hi Charge pahnih (2) ah then ani a. Charge Officer 2, Supervisor 10 leh Enumerator (Enumeration Block) 54 ah then a ni.