No.7515/2020-2021
Mizoram sawrkar Animal Husbandry & Veterinary Department order No. D.12011/4/10-DTE (AH&V)/LH/Pt. dated 14.01.2021 bawhzui nan leh, Avian Influenza (Bird Flu) laka invenna atan Pu Zothanmawia, Deputy Commissioner, Khawzawl District chuan hmundang atanga Khawzawl District-a Ar, Ar note, Artui leh Archaw la lut tur reng rengte chu AH & Vety. department atanga hriatpuina leh phalna la hmasa zel turin a hriattir.
Dilna hi District Veterinary Hospital, Khawzawl atanga lak tur a ni ang. He khuahkhirhna hian thu leh awm hma chu a huam ang.
India ram state sawmpathum (13) ah Avian Influenza (Bird Flu) a leng meka, Ar leh Sava tam takin an thihpui tawh a ni. Europe khawmualpuiah pawh ram sawm (10) lai-ah he hri hi a leng mek bawk. Ar leh Sava tana hri hlauhawm tak hi mihringah pawh Flu Pandemic thlen thei mai tura ngaihte zinga mi a ni a. Mizoram a rawn thlen loh nan lo inven lâwk a tul hle a ni.
