No.7514/2020-2021

Vawiin chhun dar 12 khan DC Conference Hall, Mamit-ah ICAR buatsaih vawk vulhtute tana training ni thum awh chu kharna hun hman a ni.

Training hi 'Scientific Pig Husbandry Practices' tih thupui hmangin ni 10 Feb -12 Feb chhung khan hman a ni a. Darlak, Bawngva, N. Sabual leh Vawngawnzo atang mi 20 te'n training an nei a ni.

Training kharna hun hi Dr. Lalhruaipuii, Scientist, ICAR Mizoram Centre-in a kaihruai a, Dr. R.L. tanpuii, District Veterinary Officer, Mamit District chuan telpuiin  training-a telte hnenah certificate leh ran damdawi te a sem a ni.

ICAR Mizoram Centre hian Biotech-KISAN Project Mamit District-ah a kalpui mek a, vawkte, vawk chaw leh damdawi chi hrang hrang semin vawk vulhtute hma lakpui mek a,  Biotech-KISAN Project hnuaiah hian khaw thumah vawkte 90 sem chhuah tawh niin, N. Sabual khua-ah sem leh tura hma lak mek a ni bawk. ICAR hian vawkte a sem mai bakah vawksa thianghlim tharchhuak thei tura ran vulhtute zirtirna pe-in tunlai thiamna mila vawk vulha hma kan sawn theih nan hma a la mek bawk a ni.