District chhunga piang leh thi chhinchhiah tute tana ni hnih chhung training buatsaih chu vawiin khan zawh fel a ni. He Registrar of Births & Deaths Training hi Govt Champhai College ah Economics & Statistics, Mizoram buatsaih niin, Census of Govt. Employees & Workers Champhai District 2015 lehkhabu tlangzarh a ni bawk.

Training kaihruaitu Pu Vanlalrema, Addl. Chief Registrar of Births and Deaths leh Director Economics & Statistics ni bawk chuan thusawi in, piang leh thi chhinchhiah hna hi thil hautak tak mai, inthlahdah taka thawh theih miahloh hna a nih thu sawiin, felfai taka chet ngai, kumkhuaa chhinchhiah tur lo chhinchhiahtute kan nih avangin training chu hlawk taka hmang turin a chah hlawm a ni.

Zirtirna pe tu Pu BT Lala Sakechek, Judicial Magistrate 1st class, Champhai District chuan piang leh thi chhinchhiah kawnga dan anga tilote hrem theih dan chi hrang hrang a sawi a. Pi Laldawngliani, Inspector atang pawhin zirtirna ngaihthlak a ni a. Zawhna leh chhanna hun hman ani bawk a ni.