Vawiin khan Directorate of Horticulture Committee Room-ah Mizoram Sorkar Horticulture Department aiawhte leh Central Agricultural University, Imphal ten College of Horticulture hmun tur Land Lease inhlanin Memorandum of Understanding (MoU ) an signed a, hemi hnu hian Mizoram Chief Minister Pu Lal Thanhawla chu a office-ah an hmu nghal a ni.

Pu Lal Thanhawla chuan College of Horticulture ,Mizoram ah din a nih theih nana hmalak chhohna tluang taka kalpui anih leh tunah Central Agricultural University,Imphal leh Mizoram Sorkar a Horticulture Department ten ram inhlanna leh MoU signed ani chu lawmawm a tih thu a sawi a.Union Agriculture Minister,Pu Sharad Pawar an kum 2011 a Mizoram a rawn tlawh tum a Mizoram ah Horticulture College din anih tur a puan atanga theih tawp chhuaha bawhzui nghal a nih dan leh he college din tura dilna pawh hmun 7 (sarih) lai atangin hmuh a nih dan leh chung hmun hrang hrang atang chuan tui leh lei quality te enfiah nghal in test report pawh phai lam (Central ) ah thawn thlak vek a nih thu Chief Minister chuan sawiin bawhzuina kal zel in ni 21 July,2015 ah Thenzawl hmuna College din chu Central lam in phalsak in Horticulture Department leh hemi in a kaihhnawih Department hrang hrang ten theihtawp an chhuah a tan an lakna ah tihfel a lo ni ta chu lawmawm a tih thu a sawi.

Mizoram ah hian thlai leh thei chi hrang eng chi pawh Pathian zarah an tha duh tih sawiin Chief Minister chuan state danga man to taka kan lei thin heng Avacado, Kiwi,Strawberry ,Sapthei leh a dang te hlawhtling taka chin leh ei tling an nih dan sawiin Horticulture College chu Mizoramah hian din ngei chi a ni a ti a, hmalak chhoh na ah theihtawpa pui in, Kawng tha, Tui leh Electric Power chungchangah pawh bawhzui pui zel a inhuam thu a sawi.

Vawiina Mizoram Chief Minister kawm na ah hian Prof. M Premjit Singh Vice Chancellor,CAU Imphal Manipur, leh Pu B Lalhmingthanga Secretary Horticulture Department leh Pu R Zotawna Director of Horticulture leh official pawimawh dang te an tel a ni.