Vawiin khan Directorate of Horticulture Committee Room ah College of Horticulture hmun tur Land Lease Thenzawl ,Serchhip District a awm chu Mizoram Horticulture Department Secretary Pu B.Lalhmingthanga chuan Central Government aiawhtu Professor M. Premjit Singh, Vice Chancellor, Central Agriculture University, Imphal hnenah a hlan.Central Agriculture University (CAU) Imphal , Manipur leh Mizoram Sorkar aiawh te hian Memorandum of Understanding (MoU) an signed fel nghal a ni.

Professor M. Premjit Singh, Vice Chancellor chuan hemi kawnga hma a lo lak tawh dan te sawiin Aizawl hlat lo takah hmun tha leh remchang tak a awm thei chu lawmawm a tih thu leh Engineer te nen lo kal leh in Master Plan te pawh siam nghal tur anih thu leh tum ang anih chuan Nakum July ah session thar hawnga class tan theih a in beisei thu a sawi. Horticulture College din tum chu India rama college tha ber zing ami ni tura duan tum a nih thu a sawi bawk.

College of Horticulture ram inhlan Programme Pu R. Zotawna, Director of Horticulture in a kaihhruai-ah hian Pu B.Lalhmingthanga, Secretary pawhin thu sawiin Horticulture Department in hemi kawnga an hmalakna hrang hrang sawiin tuna ram an inhlan hi zankhat thilthua thleng mai ni lovin, kum nga lai (29.4.2014) atanga lo kalpui tawh anih thu a sawi a. Mizoram Chief Minister leh Horticulture Minister te, Ministry and Central Agriculture University, Land Revenue & Settlement Department leh Thenzawla Village Council Hruaitute leh hemi kawnga puibawmtu zawng zawng ten hma an lakpuinaah lawmthu a sawi. College of Horticulture Mizoram hi Union Agriculture Minister Pu Sharad Pawar an Mizoram a rawn tlawh tuma Horticulture College din a nih tur thu a puan bawhzuina kal zel a ni a.

College of Horticulture Mizoram dinna tur atan hian 1st installment Rs.84.41 crore ruahman a ni a, a ram zauzawng hi 120.38 hectares a zau a ni.