Vawiin khan MHIP Bazar Veng Branch huaihawtin Women Proctection Day hman a ni a, Pi Lalbiaksangi, District Bawrhsap chuan khuallian niin a hmanpui.

Vawiin Women Protection Day hmanna ah hian Pi Lalbiaksangi chuan hmeichhia te hi ngaihpawimawh leh ngaihlut an nih tawh dan sawiin sorkai laipui ah pawh hmeichhia te tan Budget tam tak siam a ni tawh a ni a ti a, hmeichhia te chawikanna lam inzirtirna tun aia uar zawka neih a pawimawh thu leh, Mizo society a Mo te kan endanah hma kan sawn rualin in siam that kan ngaihna laiah te insiam tha a, kan fahrin te anga en thiam turin kalkhawm te chahin, hei hi kan kristianna nen pawh a in hmeh hle a ni a ti bawk.

Women Protection Day hmanna ah hian Dr. R. Lalrinhlua, DCPU, Mamit, leh Lt Fala Khiangte O.C Mamit Police Station ten thupui thlan bik hmangin thusawina an nei a, Dr P.C Lalawmpuian hnute cancer chungchang zirchianna a lem nen entirna neiin, District Legal Service Authority, Mamit District chuan hmeichhiate chanvo humhalhna leh Human trafficking Video show an nei bawk a ni. He hun hi Pi Laltharzeli, President MHIP Bazar Veng chuan kaihruaiin Women Proctection Day hman anih chhante leh an hmalakna hrang hrang te a sawi.