546/2025-2026
Siaha the 10th may 2025: Siaha District Deputy Commissioner, Pu VL Hruaizela Khiangte, District Disaster Management Authority Chairman nibawk chuan Siaha khawchhunga black-out neih tur chungchangah a hnuai tarlan ang hian thuchhuah a siam.
Ministry of Home Affairs, Govt. of India duh dan angin Siaha khawpui chhungah May 10, 2025 (Inrinni) zan dar 8:30 hian Civil Defence Mock Drill neih tur a ni a, he drill hi thlawhnaa inbeihna (air raid) awm anga neih tur niin, blackout a awm dawn a ni. He blackout hian minute nga (5) chhung a awh ang. He drill hi thlawhna atanga inbeihna thlen palh thulha kan chet dan tur en chhinna tur a nih avangin mipuite chiai lo turin kan inngen a ni.
He drill neih dan tur leh a kaihhnawihte chu hetiang hi a ni e -
1. May 10, 2025 (Inrinni) zan dar 8:30 hian Siaha khawpui chhunga Village Council tin ten information system (tlangauna) atangin minute 5 chhung siren tih rik tur a ni. (Siren nei remchang lote chuan phone atanga download-in play mai tur a ni e)
2. Siren rik chhung hian eng thei chi hrang hrang kan neihte tih thim vek tur a ni a. Hemi chhung hian Power & Electricity Department-in kawlphetha pawh an ti tawp ang.
3. Lirthei tlan laite pawh siren rik chhung hian mahni awm hmunah lirthei ti thiin (switch off), din vek tur a ni. Damlo phur leh hemi kaihhnawiha duty lirthei tan laklawhte chu a huam lovang.
4. Mihring chenna in ni lo, vantlang in (community hall), Biak In, sikul leh pisa bakah vantlang intawm in-a eng thei zawng zawngte pawh ti thimtu tur lo inruat theuh tur a ni.
5. Blackout chhung hian damdawi Inte chuan eng khaihlak chhunga hman tur generator an ngaihtuah lâwk ang.
Siaha DDMA - Press Note (Dt.10.05.2025).pdf
