570/2025-2026

Lawngtlai, 13th May 2025 : India leh Pakistan inkar boruak thalo avanga inbuatsaihna pakhat atan vawiin khan Lawngtlai bawrhsap chuan a hnuaia mi ang hian 'Blackout Drill' neih chungchangah hriattirna a chhuah.

To

                 All President/Secretary
                 Village Council,
                 Lawngtlai District, Lawngtlai

Subject:    Blackout Drill nei tura hriattirna.

Ka pu,
       
Tunlai India leh Pakistan boruak tha lo avanga kan lo inbuatsaihna pakhat atan zanin dar 8:00 PM atanga dar 8:05 PM chhung hian Lawngtlai District a khua zawng zawngah Blackout drill/Mock Exercise neih tura ruahman a ni a. Dar 7:59 PM atangin siren tih rik tur a ni. In vengchhung Information Centre atang siren hi tih rik ni se. Blackout neih hma in hun remchangah a hnuaia thu hi mipui hnenah Information Centre atanga min lo puanzar sak turin ka han ngen bawk a che.

1. Zanin dar 8:00PM atanga dar 8:05 PM chhung blackout drill neih tur a ni.
2. Dar 7:59 PM atangin minute 1 chhung siren tih rik a ni ang.
3. Blackout chhungin eng zawng zawng tih thim tur a ni. Solar/Inverter/backup power nei ten off vek tur a ni a, solar light te pawh eng hliah tura lo khuh tur a ni. Tin eng pe chhuak thei thil dang engmah hman loh tur a ni.
4. Motor tlan laite chu tih dina, motor light leh engine te off tur a ni.
5. He blackout hi mipuiten tha taka min zawmsak turin kan in ngen a ni.