DIRECTORATE OF INFORMATION & PUBLIC RELATIONS, Government of Mizoram, India

569/2025-2026

Lawngtlai, 13th May 2025 : India leh Pakistan inkara buaina kal zelah vawiin khan Lawngtlai bawrhsap chuan a hnuaia mi ang hian hriattirna a tichhuak

HRIATTIRNA

Tunlai indo-Pakistan inhmachhawnna chuan eng chen nge a thlen dawn tih hriat a ni lo va, chumi avang chuan kan theih chenah kan lo intalrin a pawimawh hle a ni. Thlawhna hmanga beihna (Air Raid) laka kan in puahchah nan inkaihhruaina siam a ni a. Hei hi Lawngtlai District chhunga mipuiten lo zawm theuh turin kan inngen a ni.

1. Blackout hrilhfiahna:

Blackout tih chu 'eng (light) tih thim' tihna a ni. Indo laiin hmelma sipaiten zanah vansang atanga min hmuh theih loh nana eng (light) zawng zawng tih thim hi a ni.

2. Blackout atana inbuatsaihna:

-Tukverh khub nan puan chah chi emaw lehkha khawng hman tur a ni.
-In chhung leh pawn a eng(lights) te tih thim vek tur a ni.
- Motor tlan lai te an ding ang a, lirthei eng (light) leh khawl (engine) off tur a ni.
-Solar street light (amaha eng chi) te chu puan chhah chi emaw lehkhakhawng bawm ruak emaw in a eng hliahkhuh tur a ni.
-Eng pe chhuak thei chi reng reng hman loh tur a ni.
- Kangmei chhuah palh thulhah gas/electric hmang bungrua reng reng hman loh tur a ni.

3. Rikrum thila hman tur (Emergency Supplies):
-Torch light Battery/solar hmang chi leh radio lo inrin lawk tur a ni.
-Family emergency kit Tui thianghlim, eitur leh damdawi te lo neih lawk nise.

4. Hmun him(Safe Zone)
-Pindan him, bihrukna hmun tur lo ruahman lawk tur a ni.
-Thim zingah naupang, tar chaklo, rualbanlo, raipuar leh ran te himna ngaih pawimawh tur a ni.
- Chhungkaw tinten tawmhim dan tihchhinna neih nise.

5. Inralrin dar hriatchian (Alert awareness)
-Siren ri hriat chian tur, e.g., ri rei: hlauhawm(alert); ri tawi: hlauhawm tawh lo (clear)
- Sawrkar thupuan radio/TV ah ngaihchan tur a ni, e.g.: IR, Doordarshan, District Administration, DIPRO, etc.