568/2025-2026

Aizawl, 13^th May, 2025 : Vawiin khan hian Prof Lalnilawma, Minister of State for Rural Development & Administration Department hovin, Rural Development & Administration Department chuan Mizoram  thingtlang khua a chhungkaw harsa zawk te chhawmdawlna kawng-a chak zawka hmalak a nih theih nan, Bharat Rural Livelihood Foundation (BRLF) chu kum 3 (thum) chhung atan thawhhona thuthlung “Memorandum of Understanding (MoU)” an ziah pui.

Bharat Rural Livelihood Foundation (BRLF) hian Mizoram chhung-a rural development kaihhnawih, Sawrkar scheme leh programme hrang hrangte awmze nei zawk leh hlawk zawka kalpui a nih theih nan State Sawrkar a thawhpui ang a. Natural resource management hnuaia activity hrang hrang, tuihna humhalh, ramngaw leh nungcha humhalh bakah, agriculture productivity lam-a thingtlang miten hmasawnna an neih theihna tur kawngah Department hrang hrangte leh an scheme neih hrang hrangte hmanga thawhho (convergence) dan tur ruangam a siam ang. Central Schemes hrang hrangte awmze nei zawka kalpui a nih theihnan Rural Development & Administration Department nen an thawk dun dawn a ni.

He thawhhona hnuaiah hian thingtlang loneitute tan tui luang ral tur humhalhte, hlawk zawk a groundwater management an neih theihna tur leh non-pesticide management-based agriculture nasa zawka kalpui a nih theihnan hma lak a ni ang a. Loneitute thar chhuahte hlawk zawka kalpui tum a ni bawk. BRLF te hian a tul angin loneitute hnenah training an pe thin bawk ang.

Memorandum of Understanding (MoU) ah hian Rural Development & Administration Department aiawhin Pu  V. Lalengmawia  Additional Secretary  leh Bharat Rural Livelihood Foundation (BRLF) aiawhin Pu Kuldip Singh, CEO ten an hming an ziak a ni.

He hunah hian Minister Prof. Lalnilawma bakah Rural Development & Administration Department atangin Pu R. Zarzosanga, Commissioner & Secretary, Pu V. Lalengmawia Additional Secretary, Pi Zosangzuali, CEO, MzSRLM leh RD&A Department official pawimawhte an tel a ni.