567/2025-2026
Dated the 13th May, 2025: Nizan khan India leh Pakistan buaina avanga inralrinna-emergency preparedness leh mipui himna- public safety mechanism tihchangtlunna tura ram pum huapa civil defence mock drill kalpui mek zawmin Kolasib leh Vairengte ah- Air raid mock drill atana inbuatsaihna Blackout neih a ni.
Nizan, 12.5.2024 Zan dar 8:59 -ah khan Air raid siren tih rik a ni a, hemi hnu lawk hian dar 9 leh dar 9:04 chhungin eng tih thim vek niin, lirthei tlan te pawh din tir lailawk anni.
Inbuatsaihna hi District control room, DC office leh SDO Vairengte office aṭangin kalpui niin, veng hrang hranga thu thehdarh ngai leh instruction te pekchhuah a vil reng a ni.
Nimin a Blackout neih hi mipui ten an zawm tha hle a, hemi chungchang ahhian Kolasib DC Pu Robert C Lalhmangaiha chuan vawiin khan DC conference Hall ah review meeting ko in, Blackout hlawhtlin nana thawktute zawng zawng chungah leh mipuite chungah lawmthu a sawi a. India leh Pakistan dinhmun chu that lam pan chho zel ni in lang mahse an in ralrin reng a tul a ni, a ti. Fire mock drill la neih tur ah pawh official te leh pawl hrang hrang te thawhho pui ah a sawm nghal bawk.
Vawiina Kolasiba Blackout chungchanga review meeting ahhian Kolasib DC bakah SP, Pu David H Lalthangliana, Sawrkar official te leh khawtlang, Kohhran leh tlawmngaipawl aiawhte an tel a ni.
