Nimin khan DC Conference Hall Mamit ah Boot Level Officer ( BLO) mi 17 te hnenah training pek a ni.

Special Summary Revision of Electoral Roll 2015 inbuatsaihna turin nimin khan BLO te tan hian training pek niin, Pu K. Lalthawmmawia DC/ District Election Officer chuan hawnna thu sawiin, mipuiten chanvo kan neih kan thil tih theihna sang ber chu kan aiawhte kan thlan chhuah hun hi niin chuvang chuan vote nei thei te zawng zawng chu E/roll ah an awm vek theihnan tan kan lak angai a ni tiin, BLO kal khawmte chu tha taka an hnathawk turin a fuih.

He training-ah hian zirtirna hrang hrang, Pi Melody Ngurthantluangi SDC, Victor Lalawmpuia SDC, Malsawmtluanga EO ten an pe a ni. He hun hi Training Observer Pu K. Lalhmingliana PD DRDA pawn a hmanpui a ni.

Training hi bial hrang hrang ah thenin hmun nga ah neih chhunzawm tura ruahman a ni bawk.