Mamit khawpui chhunga Faina Hapta (2nd-8th October) hman dan tur vawiin khan Dc Conference Hall-ah Mamit District Bawrhsap Pu K. Lalthawmmawia hovin rel a ni.

Faina Hapta hi India Hnampa Mahatma Gandhi piancham denchhenin 2-8 October chhunga hman tur a ni a, Mizoram hmun dang ang bawkin Mamit District chhung ah pawh uar taka hman ni se ti a rel a ni, Kum danga tih thin dan angin Branch YMA tin te leh V/C te tangkawpin an remchan dan angin Faina Hapta hawnna anmahni huam chhung theuhvah hman ni se, hnatlangin mahni veng chhung theuh tihfai ni se ti a rel a ni a. Vengfai, Zirna In fai leh Office leh a Compound fai lawmman 3-na thleng siam ni se ti a rel a ni bawk.

Meeting-ah hian endiktu tur ruat nghal an ni a. Faina Hapta kharna hi ni 8 October -ah LAD Conference Hall, Mamit-ah neih ni se ti a rel a ni.

Vawiin Meeting-ah hian Faina Hapta hman dan tur bakah Mamit khawchhung bawlhlawh thianghlim zawka sawngbawl dan tur te sawi ho a ni a, member tinte hemi kawnga rawtna tha zawk chhawpchhuak thei tura ngaihtuahna lo senga tur a tih an ni.

Meeting-ah hian Sawrkar Department aiawhte bakah Tlawmngai pawl Branch YMA, hrang hrang hruaitute, VC leh MHIP te an tel a ni.