Ni 11 October, 2012 (Ningani) khan BRC East, Chhinga Veng chuan Block Level Exhibition (Co-Scholastic) chu Block Resource Centre (BRC) Training Hall Chhinga Veng-ah a buatsaih a. He hun hi Pu H. Vanlalhruaia, BRC Coordinator chuan kai hruaiin Pu Rosiamliana Ralte, Vice-Principal, DIET Aizawl in Exhibition hawnna hun hi a hmang.

Exhibition hi thla hmasa khan Cluster Level-ah  neih tawh niin, Primary leh Middle School level-ah heng item- Clay Modelling, Paper Craft, Drawing leh Solo-ah te hian Inelna neih a ni a. Cluster level-a item tina pakhatna te tan Block level-ah inelna buatsaih leh  niin hlawhtling taka neih zawh a ni a. Zirtirtute leh zirlai naupangten an hlawkpuiin zawngchhang tlak an ti hle.

Continuous and Comprehensive Evaluation (CCE) in Co-Scholastic hi subject pakhat-a a dah tawh avangin subject dang ang bawkin ngaih pawimawh a ni a, naupangten kut themthiamna an neih theihnan leh eizawnna tlak thiamna an neih theih nana hmanrua pawimawh tak a ni.