Vawiin khan Lawngtlai DC Conference Hall ah 37-Lawngtlai ‘W’ leh 38-Lawngtlai ‘E’ Assembly Constituency huamchhunga Booth Level Officer ten Electoral Roll Summary Revision lo awm tur atana inbuatsaihna training an nei.

Heng Constituency pahnih ah te hian Booth Level Officer 102 an awm a, heng zing a mi 67 te hian vawiin hian training an nei a, Lawngtlai ‘W’ huamchhunga BLO eng emawzat in nimin khan 36-Tuichawng BLO te training rualin Chawngte ah training an lo nei tawh bawk.

Vawiin a training te hian Summary Revision neih naa BLO te thawh tur chipchiar takin an zir a, form hrang hrang fillup dan leh fel taka thliar hran dan te a takin an ti nghal bawk. Summary Revision Draft Publication hi October 15 hian neih tur a ni a, sawi sel duh nei leh siamthat ngai te siamthat nan November 10 thleng hun hawn a ni dawn a ni.

Vawiin a training hi Election Office Pi Saizikpuii leh Pu Zonunmawia, Master Trainer ten training hi an pe a ni.