St. Paul’s Higher Secondary Schoolin kum 60 a tlin lawmna, diamond jubilee celebration vawiin khan an school hallah neih a ni a, Chief Minister Pu Lal Thanhawla chu khuallian a ni.

Chief Minister chuan St. Paul’s HSS in kum 60 an tlin lawmnaa an sawm chu school hotute chungah lawmthu a sawi a. School enkawltu Monfort Brothers hi a hmelhriatna a rei tawh thu leh he schoolah hian kal ngailo nimahse, a tlangnelin a ngaina hle a ni a ti a. St. Paul’s School hi harsa tak kara din, hun harsa leh hun khirhkhan tam tak paltlanga tun hi a thleng a ni a, a ropui hle a ni a ti a. Mizorama high school leh higher school te zinga thlan awm ber hi hrelo pawh kan awm ka ringlo Pu Hawla chuan a ti a. Tun dinhmuna an din theihna hi School thuneitute leh zirtirtute inpekna leh thawhrimna rah liau liau vang a ni tiin, an inpekna a hluin an entawntlak hle a ni a ti.

Chief Minister chuan exam result a chhuahte hian result chungnung ber leh tam ber a ber an hauh pha thin hian zirtirtute inpekna a tilang chiang hle thin a ni a ti a. Mizoram ti hmingthatu zirchhuak chhuanawm tak tak engemawzah a chherchhuak hi a fakawm a, hun lokal zel turah pawh tha leh zual an rawn chhuah zel theih nan duhsakna a hlan a ni.

Lawmna hunah hian a school din tirh kum 1954 a zirlai ni thin engemawzah an tel a, an ni hnenah hian chawimawina thilpekte hlan an ni a. School Headmaster leh Principal lo ni tawh mi 4 te leh Sister (Reverend) 2 hnenah chawimawina hlan an ni bawk a ni. A lawmna programmeah hian zirlai naupang ten hla leh lam mawi tak tak an entir bawk a, kum 60 Schoolin a tlin entir nan darkhuang mi sawmbik ten an vaw bawk a ni.

Attachment

  • Loading attachment...