Vawiin khan Lawngtlai DC Conference Hall ah 37 Lawngtlai West Assembly Constituency leh 38 Lawngtlai East Assembly Constituency huam chhunga Booth Level Officer tura ruat tharte tan training buatsaih a ni a, Master Trainers ten zirtirna an pe a ni.

Election Commission of India in ruahmanna a siam angin nakum January 1 a kum 18 tling chin, khua leh tui dik takte chu Electoral Roll ah an hming ziahluh leh tur an ni a, chumi atan chuan Electoral Roll Summary Revision buatsaih leh turin tunah hian inbuatsaihna kalpui tan a ni. Lawngtlai District chhung khaw tina he hna thawk tura ruat Booth Level Officer te pawhin an hnathawh dan tur leh Roll Revision kalpui dan turte an lo hriatchian hmasak theih nan Training hi buatsaih a ni a, 36 Tuichawng huam chhunga Booth Level Officer te tan 25.8.2015 khan Chawngteah Training buatsaih a lo ni tawh bawk.

Vawiina Trainingah hian Pu H. Zonunmawia, MCS, leh Pi ST Lalvensangi, MCS, Master Trainer ve ve ten zirtirna hi an pe a, Booth Level Officer 100 vel an tel a ni.