Vawiin II-Borapansury II CADC MDC Bye-Election vote thlak chu tha taka kalpui a ni a, chawhnu lam dar 3:00 thlenga vote tla zat chu vote 1443 a tling tawh a ni.

Mizoram State Election Commission in ruahmanna a siam angin vawiin hian Chakma Autonomous District Council chhunga Borapansury II bial MDC hmunruak hnawhkhahna vote thlak chu neih a ni a, he bial hi Dr. B.D. Chakma, tunah Minister of State for Fisheries & Sericulture, Mizoram chhuahsan tak kha a ni. Vawiin a vote thlak naah hian harsatna leh dodalna thawm engmah hriat a ni lova. Inthlanna buaipuitute pawhin tluang takin engkim an kalpui thei a, Lawngtlai District Additional DC he inthlannaa Asst. Returning Office ni bawk Pu R. Lalsangluaia chuan Borapansury bial hi a hmunah a thutchilh reng bawk.

Vawiin a vote tlak dan hi darkar 2 danah District Election Office ah report reng a ni a, chawhnu lam dar 3:00 thleng vote tlak dan chu a hnuai a mi ang hi a ni.