Vawiin ni 1 October, 2013 hian LAD Conference Hall, Mamit-ah Pu R.S Lalzamliana Addl. D.C Mamit chuan UD&PA Department, Mamit District hnuaia BPL puanthui zir mi 30 te hnenah Certificate a hlan.

Inkhawm LAD Conference Hall, Mamit-a buatsaih hi Pu P.H Rualzakhuma, District Project Officer (SYSRY) in a kaihruai a ni.

Pu R.S Lalzamliana Addl. D.C chuan BPL chhungkua te sawrkarin a ngaihthah lo a ni tiin eizawnna ngelnget leh tha zawk an neih theih nan kawng hrang hrangin hma a la mek a ni, a ti a, Thahnem ngai taka an thiamna te chhawr tangkai tura chahin Computer, Carpentry leh Motor Driving training tura lak thar mi 30 te pawh rilru leh tih tak zeta training bei turin a chah nghal bawk a ni.

Pu P.H Rualzakhuma DPO(SYSRY) chuan Mamit Urban Project hnuaia trade hrang hrangah BPL chhungkua atangin mi 245 an training chhuah tawh thu a sawi lang bawk.