2967/2024-2025

Dated Serchhip, the 13^th November, 2024: Serchhip Sub-Headquarters Rorel Inkhawmin a lo rel tawh angin vawiin khan an huam chhung Branch hrang hrang YMA chanchinbu enkawltute tan training buatsaih a ni a. Serchhip DIPRO Pi Lalnunmawii, Assistant Public Prosecutor Pu Lalrosanga Colney leh District Child Protection Officer Pi Lalsiampuii te chuan hun an hmanpui a ni.

Sub-Headquarters YMA Media and Documentation Committee Chairman Pu H.Lalchhuangliana chuan he hun hi kaihruaiin Sub-Headquarters YMA President Pu Kawlthuama chuan thu a sawi a. Serchhip Sub-Headquarters Rorel Inkhawmin an lo rel tawh bawhzuina a nih thu te, Executive Committee in Media and Documentation Committee kutah a dah thu leh a hlawhtlinna an hmu ta chu a lawmawm a tih thu a sawi a ni.

Vawiin programme hi hun hniha then a ni a. DIPRO Pi Lalnunmawii chuan chanchinbu enkawl dan kalhmang te leh Mizo tawng ziah dan chungchang presentation a pe a. Chawhnu lamah APP Pu Lalrosanga Colney hovin dan inhrilhhriatna legal awareness programme neih a ni a. DCPO Pi Lalsiampuii chuan naupang te dikna chanvo humhim chungchang te, harsatna hrang hrang tawk naupangte tana sawrkarin chhawmdawlna a pek thin te, naupang chunga hleilenna a thlena sawrkarin a tanpui dan te leh naupang kum tlinglo ten dan an  bawhchhiata sawrkarin hremna a lek dan te a sawi a ni.