Border Security Force hnuaia Mizoram Sector-a DIG ni lai Pu U.M. Subramani chuan vawiin khan amah thlaktu Mizoram Sector DIG thar Brig(Retd) U.P.S. Pathania hnenah charge a hlan. Pu U.M. Subramani hian DIG Mizoram Sector, BSF hna hi June ni 17, 2012 khan a zawm a, kum hnih leh chanve Mizorama a awm chhung hian Composite BOPs leh Border Fencing hna te chak taka kalpui niin a then te chu zawhfel a ni a. Hun rei tak Dampa Tiger Reserve huam chhunga kawng, BOP leh Flood Lighting hna tan a ni thei lo chu state thuneitute dawr in hemi chungchanga Central Standing Committee pathum te thu awm dante a hrilhfiah hnuin Ministry of Forests & Environments chuan heng thil te sak phalna a pe ta a ni.

DIG Pu U.M. Subramani hian vawi li Director General’s Commendation Roll a dawn tawh bakah kum 2009 khan President’s Police Medal for Meritorious Service a dawng tawh bawk a ni. Amah thlaktu Brig(Retd) U P S Pathania hi Indian Army officer niin kum 35 chuang tawnhriat zau tak nei a ni.