Vawiin khan DC Conference Hall ah Lawngtlai District chhunga Border Area Development Programme Action Plan thlir hona Meeting neih a ni a, Parliamentary Secretary Pu H. Zothangliana chuan a telpui.

Pu. H. Zothangliana chuan hmasawnna hna thawktu Department pawimawh tak takte chu rintlak taka hna thawk zel tura fuihin mipuiten a hlawk taka an chhawr theih ngei tur Plan leh Project siam turin a fuih a. Lawngtlai District chhungah Autonomous District Council pahnih a awm avangin District Council te nena phei khai rual taka hna thawh hova, hna thawh chinte inhrilh hriat tawn zel nise hmasawnna thawh kawngah kal siam a dik zawk ang tiin BADP line Department te chu a hrilh bawk.

He Meeting hi Lawngtlai Bawrhsap Pu J. Hmingthanmawia chuan a kaihruai a, Lai Autonomous District Council CEM, Pu V Zirsanga leh Chakma Autonomous District Council CEM, Dangu Buddha Lila Chakma Leh Lawngtlai Superintendent of Police Pu Lalringdika, MPS te bakah BADP Line Department te an tel a ni.