BSF Sector Aizawl leh Avantika Contractors (India) Ltd. te chuan tun thlaa Thailand-a Muaythai World Championship-a tel tur Mizoram player 5 leh an Coach te chu duhsakna hlanin, vawiin khan anmahni pualin Durtlang BSF campus-ah thlahna inkhawm an buatsaih sak a ni.

Mizorama BSF hotupa ber Pu A. Srinivas, DIG leh Avantika Company aiawhin Pu CV Rao, Comdt. (Rtd) BSF ten heng Muaythai player 5 leh an Coach te hnenah sports kit an pe theuh a, sports lama tithate tan BSF-in theihtawp a chhuah zel tur thu te, rampum huap pawhin BSF hian sports lamah hma a la nasa tawh thu te leh Mizoramah pawh sports hmasawnna atan tanpui an inhuam reng thuDIG Pu Srinivas hian a sawi a ni.