Muay Thai Association of Mizoram chuan vawiin chhun khan Press Club-ah Press Conference an buatsaih a. Thailand khawpui Bangkok a March ni 12 - 24 chhung a 9th World Muay Thai Championship 2012, khelh turah Mizo Player panga te tarlanna hun an hmang a. India Team Fighter 13 leh Waikru-a lam tur mi 2, an vaiin 15 an ni a. India Team 15 zingah 5 te hi Mizo an ni.

Press Meet hi Muay Thai Association Sr. Vice President Dr. C. Biakmawia’n a kaihruai a. Technical Report Pu K. Hrangzuala’n a pe. Report a pek ah chuan India aiawh tura Mizo Player panga (5) te chu :- 1. Zosangpuii Chaltlang Wai Kru;  2. Liansangpuii Renthlei Hunthar 54Kgs (Bantam) ; 3. Lalzarmawi Ngente Luangmual 60kgs (Light Weight) ; 4. Gnat Lalrinchhana Nursery 81Kgs (Light Heavy) ; 5. Johny Ngurthansanga Hunthar 86Kgs (Cruiser Weight) te an ni a.

Player Sponsor tute chu :- 1. Mizoram State Sports Council-in Player pathum (3)te kalna senso Rs. 2,08,500 a tum a ; 2. BSF in Rs.40,000 in an tumsak a ; 3. D-3 Business Enterprise, Ramhlun ‘N’ -in Rs. 20,000 ;  4. Pu R. Thangthiauva Hunthar in Rs. 70,000; 5. Pu L.T. Zama Nursery in Rs. 45,000.

Ni 8.March 2012 khian Lengpui atangin Bangalore an thleng anga, March ni 11 zanah India tlawhchhuah sanin ni 12 atangin Game an khel anga, March ni 24 khian India an lo lut leh ang. March ni 28 ah Aizawl an lo thlen beisei a ni.

Press mite zawhna chhangin Chairman Dr. C. Biakmawia chuan Player tha tak tak an thawn theihna chhan chu Sport Minister Pu Zodintluanga leh a kaihhruai Sports Council hotuten infiam mite an duhsak zia a taka an lantir vang ani a ti.

He Press Conference-ah hian BSF hotu ten infiam mite an duhsak zia lantirin an rawn telpui a, chhun thingpui tuihnai tak an kilho nghal a ni.