Vawiin khan State Level Bankers Committee chu Chief Secretary Pu Vanhela Pachuau IAS hovin Secretariat Conference Hall-ah an thukhawm.

Committee kaihruaitu Pu Vanhela Pachuau chuan he meeting pawimawh dan leh department hrang hrang hotu lute thutkhawmna a nih dan sawiin thurel tur a chhawpchhuahte pawh chak taka bawhzui a duhthu a tarlang hmasa a ni.

Vawiin thutkhawm ah hian thlai loan (crop loan) chungchangte ; Development banking chungchangte ; District tinah RSETI leh RUDSETI hawng chungchangte; bank ten awlsam zawka agriculture & allied activities tan loan an semchhuah kawng dap chungchangte leh PMEGP chungchangte chu ngaihtuah tura an chawpchhuah pawimawh zual bikte an ni a. Hei bakah hian Census 2001 a, mi 2000 chuang chenna khaw 14 ah banking facilities pek dan ruahmanna sawi hovin hmalak dan tur an rel bakah PUC Campus leh Biate a bank hawn chungchang pawh an sawiho bawk a ni. Bank lam chuan heng khua ah te hian BSNL lamin connection mumal an pek theih loh avangin harsatna a awm thu an sawi. Thlai loan chungchangah chuan Chief Secretary chuan Sorkar Laipui ruahman angin thlai loan bik tan, fee chawi ngai loh tih chu tha takin bank lamin bawh zui se a ti.

Vawiin meeting ah hian Bank hrang hrang aiawhte leh Department aiawh engemaw zat an tel a ni.