BSF Civic Action Programme hnuaiah vawiin khan BSF Hqrs., Durtlang-ah school leh pawl 10 hnenah sport item leh mamawh thil dang Rs. 1,00,000/- zet man an sem. He Programme hawngtu Pu C.P. Saxena, Comandant (SHQ), SHQ BSF chuan sorkar laipuiin khaw kilkhawr zawka awmte tanpui nan Civic Action Programme hi duan a ni a, BSF pawhin an awmna apiangah a ram mite tanpui leh an mamawh ang sem hna hi a thawk thin a ni, a ti. Vawiina tanpuina dawng school leh pawl te chu : St. Francis of Assisi School, Leitan; High School, Ramhlun; Govt. Nepali School, Thuampui; Hermon Children’s Home, Durtlang; Local Council, Durtlang North; YMA, Durtlang North; Gorkha Youth Association, Leitan; Gorkha Youth Association, Thuampui, Servants of God, Durtlang leh Mizo Gorkha Youth Association, Durtlang te an ni.

BSF Civic Action Programme hnuaiah vek hian Free Medical Clinic neih a ni a, mi 200 chuang inentirin a thlawn veka enkawl leh damdawi pek an ni.