1591/2023-2024

Hnahthial the 21st August 2023: Vawiin khan Pu Lalbiakfela, Election Officer, Hnahthial chuan DC office tualzawl atangin Hnahthial District, Bualpui 'V' Village Council inthlan that (by-election) naktuka neih tura inthlan buaipui tura kal polling party mi pathum Pu R. Vanlalhruaia, Pu K. Lalrinngheta leh Pu F. Lalawmzuala te chu a thlah liam.

Bualpui 'V' Village Council member pathum (3) awmna hi thiah a nih hnuah State Election Commission Mizoram thuchhuah angin inthlang tha leh tura tih a ni a, naktukah an inthlang ang a, vote tlate hi chhiar nghal a ni ang. VC member pathum zinga pahnih hi general seat a ni a, pakhat hi reserved seat a ni bawk. Election Office in Bualpui 'V' final electoral roll a tihchhuah thar berah Bualpui 'V' ah hian vote nei thei mi zathum sawmriat pali (384) an awm a, an zingah hian hmeichhia za sawmkua pathum (193) leh mipa za sawmkua pakhat (191) an awm mek a ni.