1590/2023-2024

Aizawl, 21.08.2023: National AIDS Control Organization (NACO), Ministry of Health & Family Welfare chuan HIV/AIDS chungchang thalaite zinga inhrilhhriatna hmanrua pakhat atan state tinah zirlai naupangte tan quiz competition buatsaih ni se a ti a. Hemi atan hian Mizoramah pawh Mizoram State AIDS Control Society (MSACS) hmalakna in School hrang hrang (Class 8, 9 leh 11 zirlai) te HIV/AIDS chungchanga intihsiakna Red Ribbon Quiz Competition neih a ni dawn.

He quiz competition hi chhawng hrang hrang a neih tur niin, school level competition neih hmasak ber a ni ang a; chuta ti tha thlanchhuahte chu District Level Competition ah an tel leh ang a. District Level a titha thlanchhuah te chu State Level ah tel lehin, chumi hnu ah Regional Level Competition, November-December, 2023 chhunga neih torah an tel thei ang. Regional Competition hi National level competition in dawt lehin, National Level Competition hi January ni 12, 2024 a neih tura ruahman a ni.

Aizawl District ah chuan vawiin DAPCC (District AIDS Prevention Control Committee) in a rel angin School Education Department nen thawkhovin August thla ral hma in School Level Compeition hi neih tum a ni.