Ni 9.11.2011 khan Agriculture Director Dr. C. Lalzarliana chuan Serchhip District a Loneitu tithate a tlawh. Dr. C. Lalzarliana chuan Chhingchhip-a Vegetable waste compost-a hmunah tlawh in, hmalak zel dan tur thawktute a sawipui bawk. He mi hnu hian Department-in RKVY Scheme atanga Terrace laihsan tur dik taka an laih te en nghal in ruahtui vantla chauh ring chung pawhin Buh tha takin a thar thei a ni tih a hmunah a hmuhpui bawk. Agril. Film hmanga tui dahkhawlna hmunte en in heng Agril. Film te hi Sazu in an sehchhiat mai lohna tur in uluk takin Agril Film hmawr te hi thup vek a ni.

Ni 10.11.2011 khan N. Vanlaiphai tlawh leh in khawtlang hruaitute nen an inkawm hova, an harsatna hrang hrangte a sawipuiin hmalak zelna turte an sawi ho bawk. Hemi ni vek hian N. Vanlaiphai KVK hmunah ATMA Staff 6 (paruk) lak tharte: Block Technology Manager, Asst. Block Technology Manager, Accountant-cum- Clerk leh Computer Programmer te training a neihpui bawk.

N. Vanlaiphai ah hian SRI hmanga Buh chin te, Improved Package of Practices hnuaia Buh chingtute a hmunah tlawh in Buh sengna ah hian a tel pui bawk. He hunah hian SRI leh Conventional hmanga Buh chin te a thar inhlawkhleih zia Crop cutting Experiment neih atangin hmuh a ni. Buh chin dan pangngaiah Hectare 1 (khat) zel ah Buh 1.75 MT a thar laiin SRI hmang chuan 2.5-3 MT/Ha thar thei tur a beisei a ni. He hmunah hian khawl hmangin Buh te seng in vuak nghal a ni a, heihi loneituten an hmuh in an phur in uar taka tihchhunzawm zel tlak niin an ngai.

Kum thar ah chuan Buh chingtu zawng zawng te damdawi hmanga enkawl vek tur a nih thu leh damdawi te hi Agriculture Department –in a ngaihtuah vek tur thu Director hian loneitute a hrilh bawk. Thal chhunga hman tur Slaked Lime leh Fertilzer pawh loneitute mamawh dan ang zel a ngaihtuah chhunzawm thei tur a Department-a inbuatsaih thu kalkhawmte a hrilh bawk.

Agriculture Director, Chuan, “Hnathawk mi kan nih chuan a hun takah kan thawk tur a ni, tih tak zet in hna i thawk ang u”, tiin kalkhawmte fuihna thu a sawi bawk.