Governor Vakkom Purushothaman chuan vawiin khan Presbyterian Hospital, Durtlang, Aizawl  Theological College leh TNT Home a tlawh.

Governor chuan Presbyterian Hospital rawngbawlna chu lawmawm atih thu sawiin mi harsate leh retheite tanpui zel turin a chah a.Presbyterian Hospital hi kum 1928 khan doctor pakhat, nurse pakhat leh khum 14 a tan a ni a, tun ah hian doctor 26, nurse 139 leh kum 300 a awm tawh a ni. Hospital hian Outreach Centre 4 an nei bawk a, chungte chu Dr Fraser’s Clinic, Grace Inn, Millennium Centre Clinic leh Marpara Hospital te an ni.

Governor chuan ATC zirlaite chu Christian Missioneries ten midangte tana an hnathawh thin a ngaihsan  thu a hrilh a. ATC hi 1907 khan tan a ni a, tun ah hian lecturer 20 leh zirlai 134 an awm mek.

TNT Home, Muanna Veng, Zuangtui a awm te chu Governor chuan Pathian fate an ni tih hrereng turin leh helai hmuna zirna an neih te chu hmang tangkai a nungphung dik leh thaa awm turin a chah a. India khua leh tui tha tak ni tura zirtir an nih angin Governor chuan helai hmun a chengte chu an nih thei ngei a beisei thu a sawi bawk. Governor hian TNT Home hi cheng 15,000 leh volley ball leh football a hlan nghal.Tunah hian TNT Home ah Fahrah 410, rilru buai 241, ruihhlo ngaite 303 leh workers 68 an awm mek. Heng hmun hranga tlawhna ah hian a thiannu Dr Lily leh Pu Lal Nghinglova, IAS, Secretary to Governor ten an tawiawm a ni.