213/2025-2026
Dated Aizawl the 17th April, 2025: Mizoram sorkar chuan mipuite hnena buhfai tha, hnianghnar leh buk dik taka pe turin tha thlah lovin theihtawp a chhuah a. Hetih lai mek hian Food Civil Supplies & Consumer Affairs Department in buhfai a lak khawm leh Supply Centre hrang hranga mipui ei tur a sem chhuah tur phurtu te'n kawng lakah an hralh thin a ni tih finfiah a ni a. Buhfai hralh thentu lakah First Information Report (FIR) theh luh tawh a ni.
Hetiang thil thleng hi FCS&CA Department chuan a ngai thutak hle a, buk dik taka mipui te hnena buhfai pek chhuah kawngah harsatna a thlenin mipui chanvo dik lo taka lak sakna a ni.
Thil dik lo ti tute dan anga hrem turin Sorkar chuan hma a la zel dawn a, thil diklo titu te do let turin tanrual puiah mipui te a sawm tak meuh a ni.
