214/2025-2026

Lunglei, 2025 Ṭau thla ni 17: Vawiin khan Lungleia District Information & Public Relations Office-ah Mizoram sawrkarin kum 2025 - 2027 chhung atana accredited journalist-a a thlan, Lunglei District MJA member mi 18 te hnena Press Accreditation Card (PAC) thar hlanna hun buatsaih a ni a. Lunglei DIPRO Pu C. Lalhruaitluanga'n sawrkar ai awhin PAC hi accredited journalist-te kutah a hlan a ni.

Lunglei DIPRO Pu C. Lalhruaitluanga chuan Lunglei District-ah sawrkarin accredited journalist ni tlaka a ngaih mi 18 lai an awm chu lawmawm a tih thu sawiin, accredited journalist nihna hlan zingah journalist senior leh accreditation lo nei fo tawh a tam zawk an nih avangin ngaia neih mai a hlauhawm thu a sawi a. Accreditation chu sum leh paia hlawkna leh hamṭhatna lama teh loh tur a nih thu leh a nihna hlutna zawk chu hriat thar a pawimawh thu te, accredited journalist nihna zahawmna leh hlutna chu a card kawltute kutah a innghah thu te sawiin, an hna thawhna leh an khawsaziaah accredited journalist nihna vawng nung a, chawi sangtu nih tum turin Lunglei District-a accredited journalist-te chu a chah a ni.

Lunglei District-a accredited journalist-te pawhin sawrkarin accreditation a siamsak chu lawmawm an tih thu sawiin, press accreditation chu ṭangkai leh hlu zawk leh awmze nei zawka kalpui chhoh zel a nih an beisei thu an sawi bawk.

Press accreditation hi kum hnih chhung atana inpek niin, tun ṭuma PAC inhlan hi April 2025 aṭanga March 2027 thleng a nung dawn a. Kum 2025 - 2027 atan hian Mizoram pumah accredited journalist mi 136 an awm a ni.

Kum 2025 - 2027 chhung atana Lunglei District-a accredited journalist-te chu he'ngte hi an ni:
(1) Pu H. Lalthansanga, Editor, Lunglei Times
(2) Pu Lianchama Chhangte, Editor, Zochhiar
(3) Pu Laltlanthanga, Editor, Hlimthla
(4) Pu K. Lalrinpuia, Editor, Vulmawi
(5) Pu Lalrintluanga Khiangte, Editor, Daifim
(6) Pi Sangmawii Chhakchhuak, Editor, Changdam
(7) Pu Thanghmingliana Renthlei, Editor, Zunzam
(8) Pu Rodingliana Khiangte, Joint Editor, Changdam
(9) Pu F. Lalngaihzuala, Correspondent, LPS Vision
(10) Pu V. Rokhawlkima, Editor, Ziakfung
(11) Pu PC Lalduhthlanga, Chief Editor, LDF Cable News
(12) Pu K. Lalmuankima, Editor, Ralvengtu
(13) Pu H. Vanlallawma, News Editor, Zunzam
(14) Pu Lalduhawma Khiangte, Joint Editor, Ziakfung
(15) Pu C. Lalremruata, Editor, Lungsen Post
(16) Pu Lalhmachhuana Ralte, Editor, Lawhleng
(17) Pu CS Chawngchhuma, Editor, Hnamdamna
(18) Pu Chawngchhuana Chongthu, Editor, Zonet JB

Attachment

  • Loading attachment...