Mizoram sawrkar Food Civil Supplies and Consumer Affairs Department chuan Buhfai Supply tura Tender vawi hnih (2) a chhuah behchhanin Supplier pahnih Buhfai Supply tu tur alo ruat tawh a. Department-in Buhfai Supply tura a ruat hmasak zawk hian Sawrkar mamawh zat hi a hun takah a thlen thei lo thin a. Supplier hnuhnung zawk hian theih tawp chhuah mah se Rel kawng a chhiat avang leh fur laia kawng a that loh avangin a hun takah Buhfai mamawh zat hi a supply thei lo bawk a ni.

Mipui eitur Buhfai hi Sawrkar-in a ngai pawimawh em em a. Chuvang chuan hemi chungchang hi uluk taka Sawrkar in a ngaihtuah hnu ah Buhlai 65,000 - 80,000 qtls. thla khat chhunga supply thei tur hian Private Supplier-te chu innghahna chi ah a ngaih tawh loh avangin Sawrkar Agency MIZOFED hi Buhfai Supply thei tur berah ngaiin Buhfai mamawhte Supply turin a thlang ta a ni.

MIZOFED ah hian 98% share hi Mizoram Sawrkar ta a ni a. Supply Department Manual-a Clause 2.3 chuan Buhfai hi sawrkar in a man zat a fix sak hnu ah chuan Govt. Agency supply tir a phalsak a ni. Hemi Clause 2.3 tlawhchhan hian State Purchase Advisory Board (SPAB) in MIZOFED hi Supply turin a recommend ta a ni.

Voter nei tam zawk veng ten Buhfai Quota an dawn tlem zawk chungchang :

Polling Station pakhat a vote thlak zawng zawng ten Fair Price Shop (Retailer) pakhat atangin Buhfai Quota an la vek kher lo. Ration Card thar tunhnaia FCS & CA Department-in a siamthar hnu hian Ration Card lem (Bogus) sing thum (3) chuang hmuh chhuah a, paih a ni bawk. Retailer tin te hnuaia ration card leh mihring awmzat hi, engtik lai pawhin Department Website www.mizorampds.nic.in ah a duh apiang tan a en theih a ni.

Buhfai Supplier pahnih thlan chungchang :

Point No. 9 of Terms and conditions for Supply of rice in a sawi angin Sawrkar hian Buhfai Supply tur hian a duh chuan supplier pahnih a ruat thei ang tih a ni a, pahnih a ruat ngei ngei ang tih a ni lo. Buhfai supplier pahnih ruat leh ruat loh chungchang hi Sawrkar thu thu a ni.