Vawiin chawhma dar 11:00 khan MHIP Sub-Hqrs Lunglei in an enkawl Rualbanlo te School ONYX Special School, Chanmari ami chu Pu P.C Lalthanliana, Minister LAD etc. in a hawng.

Minister chuan thu sawiin MHIP ten rinna in he School hi an din a, Pathian duh zawng a nih avangin Building changtlung tak neih a nih tak a vangin lawmthu a sawi a, Building aiin a hnathawh, a tum, a chhung a mite hi an ropui a ni a ti. Mizoram sorkar ah 12th Five year plan ah rualbanlote hamthatna leh chanvo ngaihtuah sak dan tur te a thlen thu a sawi a, Rualbanlo ten khawvar an hmuh ve theih nan Commissioner office hawn a staff te lak belh phal sak a nih thu a sawi a, sorkar chauh ringlova tlawmngai pawlte enkawl na a kalpui anih avangin lawmthu a sawi a, Pu Mathana hian Onyx Special School tan T.V a pe bawk a ni.

He School saknan hian 16.5 lakhs. hman a ni a, a dung 32ft. a vang 28ft. a ni. Principal tel in staff 7 an awm a, he School sak nan hian Pu Mathana hian 10lakhs a pe bawk a ni. ENTET in Computer set 10 an pe bawk

Inkhawm hi Pi Zosangi, President MHIP in kaihruaiin Rev. L.B Khawpuimawia’n School building hlanna a nei bawk a ni. Lalliannguri General Secretary MHIP in report a pe a, Lalnghakmawia J.E in Technical report a pe bawk. ONYX School naupang ten special item neiin Pi R.Lalthangliani Joint Secy. MHIP Sub-Hqrs. in lawmthu a sawi bawk.