Vawiin chawhnu dar 1:00 khan SSA Mission Lunglei District chuan Health & Family Welfare te nena thawk hovin Lunglei District Govt. Middle School leh Govt. Primary School naupang tan Assesment Camp/Health Mela 2012 an buatsaih chu Pu P.C Lalthanliana, Minister, LAD etc. in Lunglei Civil Hospital ah a hawng.
Pu P.C. Lalthanliana chuan thusawiin vawiin hi Lunglei District tan mel lung pawimawh tak a ni a, hetiang ti thei tur a, DPC & SSA staff Lunglei te hmalakna leh kan Doctor Specialist te inpek na ah lawmthu a sawi a, SSA hi Free Education mai nilovin Free Health Camp, an han buatsaih thei hi Mizoram ah pawh thil thleng khat tak a ni in a hriat thu a sawi a, a thlawn a Doctor tha rawn theih na bak ah in enkawlna man zawng zawng tumsak a nih dawn a vangin lawmthu a sawi bawk. School naupang te an vannei hle a, a thlawn an zirna bak ah hriselna leh zel enkawl theih a nih avangin naupang te lawm turin a chah bawk a ni. Zirtirtu leh naupang zawng zawng Health Mela hmang tangkai theuh turin a duh thu a sawi bawk.
He Health Mela ah hian naupang harsatna chi hrang hrang Beng, Mit, Ruh leh natna benvawn tan Specialist Dr. Laldinmawii (eye), Dr. Lalnuntluanga (ENT), Dr. Joseph Lalrindika (Ortho) leh Dr .B.Lalhriatpuia (Ayush) ten a thlawn in naupang te an en dawn a ni.
He inkhawm hi Pu R.Laldawngliana DPC in kaihruaiin SSA chu sorkar flagship Prog. ropui tak a nih thu sawiin, a thil tum ber chu naupang zawng zawng hnen a zirna pek leh elementary education zir zawh tir vek tur a hma lak a ni a ti. IED Co-Ordinator Mary Lalrinsangi’n report pein Lunglei Dist. chhung ah Children with need 1597 an awm a ni a ti. He Mela hi ni 13.4.2012 thleng a awh ang.
