Serchhip khaw chhunga hlawhfa rate Ieh thil hralhna man mumal zawka kalpui anih theih nan Vawiin chhun khan Serchhip DC Office Chamber ah District Bawrhsap Pu P.Lalchhuanga hovin tlawmngai pawl hrang hrang aiawh ten Serchhip Town Area Rate & Wages Control Committee an din a, Chairman atan District Bawrhsap Pu P.Lalchhuanga ruat niin Member Secretary ah Pu Andrew H. Lalremruata, DIPRO ruat a ni a, member atan President MHIP Sub-Hqrs Serchhip, President MUP Serchhip Area, President YMA Sub-Hqrs Serchhip, President MJA Serchhip District leh Serchhip Town Area a Village Council hrang hrang President te ruat an ni a, committee thurel tur azirin concerned Association te sawm tel thin an ni bawk ang.

Vawiin thutkhawm kaihruaitu District Bawrhsap chuan Serchhip khawchhungah hlawhfa leh thil zuar pawl hrang hrang ten anmahni thu a an inhlawhna rate leh thil zawrhna rate an san mai thin chu tha lova a hriat thu leh mipuite tana harsatna thlen tu ni a a hriat thu a sawi a, hetianga mahni rate in siam tawp lo hian khawtlang hruaitu te leh tlawmngai pawl hrang hrang aiawhte nen sawiho tlana mipui harsatna siam lo thei ang bera rate bithliah thin ni se a duh thu a sawi a, tlawmngai pawl hruaitute pawhin Bawrhsap rawtna hi tha an tih thu sawiin Serchhip Town Area chhunga a hman turin Rate and Wages Control Committee din an rem ti ta a ni.

Committee hian tun kar zirtawpni (I3lh April, 2012) hian thutkhawm hmasa ber nei nghalin tunhnaia Serchhip Mistiri Association ten an nitin inhlawhna rate an tihsan chungchang an ngaihtuah nghal ang.