Mizoram Sorkar General Administration Department (GAD) hnuai a, Avaition Wing chuan tunlai a, Lengpui Airport a ILS sawi neuh neuh a awm avangin hetiang hian thu chhuah an siam.

Lengpui Airport siam tirh atang khan ILS hi Install (bun) ve tum nghal a ni a. Airport DPR ahte pawh telhin senso turte pawh fel tak a telh nghal a ni. Amaherawhchu, AAI mithiamte leh Aviation Wing a helam ngaihtuahtuten ngunthluk a an han en in ICAO (International Civil Aviation Organisation) in obstruction limit 15° landing path a tumna tur Runway atanga 17 Nautical Miles thleng a thui harsatna siam thei obstruction a awm tur a ni lo tih a nih avangin engtikawngmahin Hmunpuitlang hmar lampanga inkhawhphei avang sawn a awm thei ta lova, ILS bun tum hi telh loh a ni ta a ni. Hun lokal zelah 15° clearance hi ICAO in 10° ah a tihniam ta a, heti chung pawh hian 10° clearance hmuh hi a har viau a, nasa tak a survey kual anih hnuah 9.4° hmuhtheih hram a ni ta a hetiang hian ILS bun remtih a ni ta a ni. ILS hi nikum August, 2nd 2011 atang khan hman tan a ni.

ILS hi harsa taka bun a ni a, hei vang hian thla 3 danah Calibration (enfiah) hun engemawchen a tul a. Tum 2 chu enfiah ani tawh a, tum 3 na tur 31st March 2012 khan Calibration tih leh a ngai a. Lengpui Airport Operation leh Radio Navigational Aids hman leh a hun tak a enfiah hi AAI tih tur a ni a. Tun tumah pawh hian 31st March 2012 hma in Lengpui Airport a AAI hotuten AAI Headquarters pawh an hriattir a. Amaherawhchu, tun thleng hian Calibration tih a ni ta lova , tichuan DGCA (Directorate General of Civil Aviation) in hman a remti ta lo a ni. Principal Consultant, Aviation Wing pawhin Chairman, AAI ah Fax thawn in a hriattir nghal a.

ILS hman leh Calibration chungchangah hian Mizoram sorkar in pawisa engmah pek emaw chawi emaw a ngai lo. A hmang tute zawkin an hman man (fee) RNFC (Radio Navigational Facility Charge) pek angai zawk a ni.

Hemi chungchangah hian Politics lam hawi a Press Release te siam a inbeih tumna hi thil dik lo tak a ni.

Lengpui Airport ILS hi a hlui ber chi Cat-I tih hi thudik a ni a, India ram Airport 90% aia tam zawkah hian cat-l hi la hman vek a ni. Khawpuilian (Metropolitan) tlemteah ILS Cat-II hman a ni a, Cat-III phei chu Delhi Airport ah chauh hman a la ni. Delhi Airport a mi hi Cat-III B a ni. Cat-III ah hian A, B & C a awm.