25th June, 2019 a District Level Committee on Enforcement of Correct Transaction of POL, LPG, Iron Rod, etc., Pu Chuauhnuna, Addl. DC hova thukhawm te chuan district chhunga bungraw chi hrang hrang buk tling lo leh pawlh dala zuar te veng tur leh dap chhuaktu tur Sub Committee/Squad an din.
He meeting-a a lan danin Serchhip District chhungah bungraw chi hrang hrang, a bikin essential commodity te buk tling lo emaw, pawlh dal emaw, khawih chingpen emaw han man tur a tam lo hle nain, mipuiten bungruate buk tling leh pawlh dalloh ngei an hmuh theih nana Mizoram sawrkar Notification No. F. 20016/6/2019, dated 23rd May, 2019 in a sawi zulzuiin Sub Committee hi din a nih thu tarlan a ni a. Tin, mipuite lungawilohna rang taka chinfel nana din a nih thu tarlan tel a ni bawk. Deputy Commissioner chu Chairman niin Members te chu; Superintendent of Police, District Civil Supply Officer, Inspector of Legal Metrology, Joint VC aiawh, Sub-Hqtrs YMA aiawh leh District Consumer’s Association aiawh te an ni.
He Sub Committee/Squad hian bungrua a bikin LPG, POL, Cement, Iron Rod leh bungraw dangte chu a tul hun apiangah an endik thin dawn a. Mipui, a duh apiangten thil diklo awm nia hriat te chu he sub-squad hnenah hian an thlen thei dawn bawk a ni.
