No.4363/2021-2022

Aizawl the 22nd March, 2022 : Vawiin khan Task Group on Monitoring of CAB & COVID-19 Restrictions chu an Chairman Pu H. Lalengmawia, Commissioner & Secretary, Home Department kaihhruaina hnuaiah ama office chamber-ah an thukhawm a. Mizoram district hrang hrangah CAB & COVID-19 Restrictions vilna hna thawh mek leh hmalak tawhnate sawiho a ni.

Committee Chairman Pu H. Lalengmawia, Home Commissioner & Secretary chuan a hma theih ang berah district tina D.C. leh S.P. te nena virtual meeting neih a, hmun kilkhawr zawkah te tun hnaiah COVID case a hluarna chhante inhrihhriat bakah thla leh April atangin sikul zawng zawngte pawh hawn tan a nih tawh dawn bawk avangin, department kaihhnawih hrang hrang - Health, DM&R, School Education, etc - te nena thawhho zel a, hmalak dan turte pawh sawiho a tul a ni, a ti a. Mipui vantlangin enge harsatna an tawh mekte leh sorkarin CAB leh khuahkirhna dang a hman mekte avanga mipuiah enge nghawng a neihdante hriatletna (feedback) dawn theih dan tur ngaihtuah a pawimawh a tih thute a sawi bawk.

Vawiina meeting neihah hian zan curfew hlih a nih hnuah CAB & Covid-19 Restriction bawhchhia (violator) leh hremna sumfai chawi tir (fine) te pawh a hniam thla hle tih sawilan a ni a. Thla leh atanga sikul hawn a nih tawh dawn avangin sikul tinah CAB Monitoring pawh uluk lehzuala kalpui a pawimawh an tih thu an sawi bawk a ni.

Tun March thla ni 1.3.2022 atanga ni 21.3.2022 thlenga district hrang hrang report rawn luh dan chu a hnuaia mi ang hi a ni :
1. Aizawl District : No. of Violators - 0, Amount collected - 0
2. Lunglei District : No. of Violators - 4, Amount collected - 400
3. Serchhip District : No. of Violators - 68, Amount collected - 6,800
4. Champhai District : No. of Violators - 33, Amount collected - 3,300
5. Lawngtlai District : No. of Violators - 3, Amount collected - 300
6. Mamit District : No. of Violators - 0, Amount collected - 0
7. Siaha District : No. of Violators - 16, Amount collected - 1,600
8. Kolasib District : No. of Violators - 0, Amount collected - 0
9. Hnahthial District : No. of Violators - 4, Amount collected - 400
10. Saitual District : No. of Violators - 80, Amount collected - 9,800
11. Khawzawl District : No. of Violators - 36, Amount collected - 3,600
TOTAL : No. of Violators - 244, Amount collected - 26,200