Chief Minister Pu Lal Thanhawla kaihhruainain nimin chawhnu atanga tlai tak thlenga Council of Ministers, Chief Secretary’s Conference Room, New Secretariat Complex, Khatla a thukhawm chuan Mizoram district 5 ah District Planning Committee din a remti. Chung district te chu Mamit, Kolasib, Serchhip,Champhai leh Aizawl District Rural areas ah te a ni.

Hemi bakah hian Cabinet Meeting chuan Middle School Headmaster post chu Gazetted dinhmunah hlankai a remti bawk a. Heng bakah hian Mizoram Food & Civil Supplies Service Rules, 2012 te, Draft Mizoram Health Services (Amendment) Rules, 2012 te, Sinlung Hills Development Council Chairman, Vice Chairman leh Non Official Member te Honorarium tihsan rawtna leh Amendment of Form I, II, III & IV of the Mizoram Municipalities (Procedure and Conduct of Business) Rules, 2007 te chu Cabinet Meeting hian a pawm bawk a ni.