Vawiin chawhma dar 10:30 khan CHANEM Building a Kendriya Vidhylaya School, Champhai in 3^rd PTA Meeting an neih chu Champhai DC Pu Vijay Kumar Bidhuri chuan a hmanpui.

Khuallian DC Pu Vijay Kumar Bidhuri chuan KV School hi CHANEM ah hian a awm reng dawn lova, an school building sakna tur ram pawh enfel vek tawh niin sorkarin ram acre 17 a zau chu kum 99 chhung a hawhtir dawn a, sorkar tihdan phungah chuan kum 21 chhung ram hi hawhtir a nih laiin KV School hotuten kum 99 chhung hawh tura an tih avangin Champhai South Bialtu MLA Pu J.H. Rothuama  hnenah rawtna thlen a ni a, a hmalakna a ram hawh hun tihsei a ni hi a lawmawm hle a ni, a ti a, building hi thla hnih hnuah sak tan tur a nih thu sawiin Champhaia KV School hi Mizoram ah a  palina a ni a, India ramah chuan 1000 vel a awm thung a, Central a KV School endiktute chuan school tha an thlan chhuah zingah a tel tawh a ni, a ti a, zirna atan facility pawh an nei tha a, he school a zirlai nu leh pate chuan an duhthusam lo lai a awm a nih chuan school thuneitute hnenah sawi thin se a duh tih tarlangin he school a lo than zelna atan zirlaite leh zirtirtute chu duhsakna a hlan a ni. He school ah hian tunah pawl 6 thleng zirna a awm a, session leh atan hian Class VII zirna pawh hawn leh tur niin class room sakna atan hian DC hian Principal hnenah Rs. 30,000/- a hlan nghal bawk.

He meeting kaihruaitu Principal Pu Uma Nanda Sharma chuan he school din a nih theihna atana hmalatu ber DC chungah lawmthu an sawina  chhiar chhuakin chawimawi nan pangpar an hlan nghal a ni. Hemi hnu hian zirlai nu leh pate bakah zirtirtuten thu an sawi ve bawk.

Kumin chhung result puan nghal a ni a, Kendriya Vidhyalaya school ah hian zirlai 62 awmin kumin ah hian failed nei lovin za a za an passed a ni.