No.3663/2021-2022

Aizawl, the 14th January 2022 : Vawiin khan Pu Rasik Mohan Chakma, Chief Executive Chief Executive Member, Chakma Autonomous District Council chuan Sports & Youth Services changtu Minister Pu Robert Romawia Royte in Department hmalaknaa Kamalanagar (Chawngte) a football field a phul lem phah hna thawh mek endik tura a ngenna bawhzuiin, CEM chuan a thawhpui MDCs te nen he hna thawh dan chu a hmun kalin an endik a ni. 

Pu Rasik Mohan Chakma chuan Sports Minister Pu Robert thahnemngaihna avanga Kamlanagar in phul lem phah field an nei tur chu lawmawm  tiin Minister hmalaknaa chu fakawm a tih thu a sawi a. He hna hi kumin March thla ral hma ngei zawh nise tih chu Minister ngenna leh duhdan anih thu leh CADC pawhin he field ah ngei CADC kum 50 tlin denchhena Tournament April thlaa buatsaih an tum avangin Minister duhdan chu CADC duhdan pawh anih thu contractor hrilhin chak taka hna thawh turin a ngen. 

He hna cheng nuai 532.50 hu man hi PMJVK atangin a thawhna tur sum dawn a ni a. He hnaa hian field a phul lem phah bakah site preparation, security fencing leh field pawna concrete paver block footpath siam te a huam tel a. Hemi bulah hian sum ruahmanna dang atangin inthlakna tur room leh viewing gallery hna te pawh thawh mek a ni. Tun dinhmunah hian hna hi za zelah 40 vel thawh zawh tawh a  ni.