No.3662/2021-2022

Aizawl the 14th, January'2022: Vawiin khan Lunglei DC's Conference Hall ah Bawrhsap Pu Kulothungan A ,IAS kaihhruaiin Lunglei a Republic Day 2022 hman dan tur rel a ni. Meeting ah hian Lungleia Department hrang hrang hotute an tel kim hle a ni.

Pu Kulothungan A chuan Covid -19 hri leng karah fimkhur tak chungin Republic Day chu hman a  ngai  leh dawn tih sawiin ram ni pawimawh anih ang ngeia khunkhan tak si Covid -19 laka fimkhurna dan zawm chung si a hman dan ngaihtuah turin kalkhawmte a sawm a ni. Meeting chuan kumin Republic Day chu Lunglei DC's Office kawtzawlah zing dar 8 Am ah hman nise tiin a rel a. Khuallian atan Lunglei Deputy Commissioner nise, guard of honour pe tur atan Mizoram Police Armed Contingent beisei an ni.

 Lunglei khawpui chhunga chhawmdawlna in 13, District Jail leh Naunuchham enkawlna in ah te Republic Day puala tanpuina thilpek pek nise tih a ni bawk. Republic Day lawmna tura Department hrang hrang mawhphurhna pek te hlen chhuak theuh turin ngen an ni. Republic Day lawmna ah hian mipui nawlpui tel a remchan dawn loh avangin, mipuiin in lam atanga an lo en theih nan Cable TV kaltlanga Live telecash a pe chhuak turin JB Zonet leh LDF Cable TV te ngen ni se tih rel a ni. Republic Day ni ah hian sorkar office , zirna in leh sorkar quarter ah te hnam puanzar zar vek tura tih a ni bawk.