861/2022-2023
Aizawl the 10th June, 2022 : Vawiin khan Chakma Autonomous District Council a CEM thar Budha Lila Chakma, Deputy CEM thar DD Chakma te leh mi pawimawh dang ten Chawngte Synthetic Football Ground siam mek chu a hmun ah kal in an tlawh a, he Ground siamtu Company Decor India Private Limited hotu te leh engineer ten hnathawh dan leh Synthetic Turf nihphung leh a Quality dan te CADC hotute hi an hrilhfiah ani.

CEM Budha Lila Chakma chuan Chawngte in Mizoram hmundang leh khaw dangin an nei ang phullem an nei ve ta tur chu lawmawm a tih thu sawiin tangkai taka thalai ten an hman a beisei thu a sawi a. Chawngte Field hi fur tui lianin kum 30 dan velah chim phak zauh chang a nei thin a. CADC hotuten field siam mek an tlawh thu a hriatin Sports Minister Pu Robert Romawia Royte chuan CADC hotute leh Field siamtu Company te chu fur tui lian danna siam dan tur endik nghal turin a ngen a, anni hian helai hmun pawh hi an endik nghal a ni.

Chawngte Field a Phullem phah hi Ministry of Minority Affairs atang sum hmuh nuai 532.50 atanga siam mek niin phullem hi phah zawh thawkhat tawh a ni a. Pavillion hlui thiatin a thar sak a ni dawn bawk a ni.